.....AKING PAMILYA.....

Aking pamilya ay aking kayamanan,
Isang kayamanang di matatawaran,
Kaya't sila ay aking iniingatan,
At di ipagpapalit kahit saan man

Aking pamilya ay aking kasiyahan,
Na laging nand'yan pag ako'y nalulumbay,
Pinapawi nila aking kalungkutan,
Kaligayahan sa aki'y binibigay.

Ang aking pamilya ay aking sandalan,
Pag may problema silang nilalapitan,
Inilalabas sama ng kalooban,
At ang hatid nito ay kaginhawaan.

Aking pamilya ay lubhang mahalaga,
Di ako mabubuhay ng wala sila,
Kaya't Panginoon maraming salamat,
Sa Inyong napakahalagang biyaya.