Sunday, October 5, 2008

BAKIT IKAW PA ANG MINAHAL KO?

Bakit ikaw pa ang minahal ko?
Na may mahal ng iba at sa akin ay ayaw mo
Sana pagdating ng araw ay mahalin mo rin ako
At nang di masayang pag-ibig na inalay ko sayo.

Bakit ikaw pa ang minahal ko?
Na kahit kaunti ay wala ako d'yan sa puso mo
Sana naman ay mahalin mo rin ako
Kahit pakunwari at hindi totoo.

Bakit ikaw pa ang minahal ko?
Na kahit ipagtabuyan at ipagtulakan mo ako
Na kahit pinagtatawanan ako ng ibang tao
Naririto pa rin ako at naghhihintay sayo.

Bakit ikaw pa ang minahal ko?
Na naging dahilan upang buhay ko ay gumulo.
At sa larahgan ng pag-ibig ay naging tanga ako
Bakit, bakit umibig ako sa isang tulad mo?


Ayos ba ang tula ko.........? Handog ko yan sa mga tao na marahil ay naging tanga o martir sa larangan ng PAG-IBIG........Kayo may kilala ba kayong tao na sobra sobra kung magmahal,,,,, yung para bang wala sa lugar..........O baka naman isa ka na sa mga taong yon?......

Sunday, September 28, 2008

Ang Aking Kamusmusan at Kasalukuyan

Marahil ay tandang tanda nyo pa ang mga nangyari sa inyo noong kayo ay isang musmus pa lamang. At siguro ay napansin nyo na napakalaki ng pagkakaiba nito sa buhay nyo ngayon.....
Ang aking kamusmusan ay isang napakahalagang bahagi ng aking bulay at isa sa bumubuo ng aking pagkatao. Noon ay naranasan kong mabuhay ng simple, yung parang walang problema at walang maraming iniisip. Pag nagutom ay kakain, pag nauhaw ay iinom, pag inaantok ay tutulog, at pag gustong maglaro ay maglalaro. Para bang kay daling mabuhay noon.......

Ngunit ngayon, heto ako marami na ang nagbago di lamang sa pisikal na anyo kundi sa aking pagkatao. Para bang kay dami ko nang napagdaanang problema. Ngayo ay mga responsibilidad at tungkulin na ako na dapat gampanan. Kaylangan ko ang magsikap di lamang para sa aking sarili kundi para sa aking pamilya.....Mas naging bukas ang aking kaisipan kung paano ang mabuhay dito sa mundo.. Oo, masarap ang mabuhay pero hindi madali....Kung hindi ka magsisikap at magtitiyaga walang mangyayari sa buhay mo.....Mas naging aware ako nayon sa mga nangyayari sa aking paligid, di tulad noon na para bang wala akong pakialam sa mundo.....

Minsan nga naiisip ko sana bata na lang ako......Ngunit hindi ko maiikaila ang katotohanang hindi na ako isang musmus pa lamang.., na yon ay isang bahagi na lamang ng aking nakalipas......

At sa ngayon ang kaylangan kong gawin ay harapin at isipin kung ano ang aking magiging kinabukasan....At sana sa paglipas pa ng panahon ay patuloy pa rin akong bigyan ng Diyos ng lakas at tibay ng loob upang harapin ang susunod pang yugto ng aking buhay..............

Sunday, September 21, 2008

.....AKING PAMILYA.....

Aking pamilya ay aking kayamanan,
Isang kayamanang di matatawaran,
Kaya't sila ay aking iniingatan,
At di ipagpapalit kahit saan man

Aking pamilya ay aking kasiyahan,
Na laging nand'yan pag ako'y nalulumbay,
Pinapawi nila aking kalungkutan,
Kaligayahan sa aki'y binibigay.

Ang aking pamilya ay aking sandalan,
Pag may problema silang nilalapitan,
Inilalabas sama ng kalooban,
At ang hatid nito ay kaginhawaan.

Aking pamilya ay lubhang mahalaga,
Di ako mabubuhay ng wala sila,
Kaya't Panginoon maraming salamat,
Sa Inyong napakahalagang biyaya.

......BUHAY NG TAO......

Ang buhay ng tao sadyang mapagbiro,
Mayroong tagumpay at may pagkabigo,
Pero kaylangan nating tanggapin ito,
Dahil ito'y bahagi ng buhay ng tao.

Pero bakit ganito buhay ng tao?
Di pantay pantay katayuan sa mundo,
Mayroong problema at mga pagsubok,
Mayroong kasiyahan ay mayron ding lungkot.

Buhay ng tao parang gulong ng palad,
Ngayo'y sa ilalim, bukas sa ibabaw,
Ngunit pagbabago ay laging tandaan,
Sa buhay natin na walang katiyakan.

Ngunit sa kabila ng mga problema,
Laging isaisip Poong Lumikha,
Na laging gumagabay sa bawat isa,
Upang tayo'y da mawalan ng pagasa.

.......PAGKAKAIBIGAN.....

Bawat isa sa atin ay maroong kaibigan
Na kahit anong oras ay maaaring lapitan
Ngunit hanggang kaylan ba itong pagkakaibigan
Ito ba'y magtatagal o panandalian lamang.

At sa pagkakaibigan tiwala ay kaylangan
Sapagkat ito ay susi upang maging matatag
At pagkainggit ay di dapat pinaiiral
At sa halip bawat isa ay sinusuportahan.

PAG-IBIG

Ang Pag-ibig sadyang may kahiwagaan,
Pagdating nito'y hindi mo malalaman,
Maaaring ngayon, bukas o kaylanman,
Basta't ito ay biglaeng mararamdaman.

Ang pag-ibig ay talagang ganyan lamang
para bang pumasok sa isang labanan,
Mayroong nagwawagi at nay talunan,
Mayroong masaya at may nasaktan.

Ang pag-ibig ay isa ring kasiyahan,
Na minimithi ng kahit sino pa man,
Na handang gumawa kahit kasalanan,
Kahit mali at mayroong masasaktan.

At sa pag-ibig ay laging tatandaan,
Walang pinipili maging sino ka man,
Ikaw ma'y mahirap o kaya'y mayaman,
Ang mahalaga ay pagibig ay tunay.

BADUY?

Mahilig ba kayong gumawa ng tula? Medyo mahilig kase akong gumawa ng tula.....At gusto ko lahat ng tulang magagawa ko ay nasa BLOG ko......Pero nag-aalinlangan akong isulat ang mga yun dito kase parang nababaduyan ako sa mga salitang ginamit ko......Ano bang magagawa ko yun ang lumabas sa utak ko......Pero kahit baduy ang mga tula ko atleast pinaghirapan ko at pinagmamalaki ko ang aking sariling likha.......